Pawarta

Inggih menika palaporan ngengingi kadadosan arupi paparan fakta saha data ngengingi kadadosan kasebat. Wonten ugi pemanggih menawi pawarta menika yaiku kabar anyar utawa kedadean ingkang nembe dumadi wonten ing salah satunggaling panggenan ingkang saged dipun cawisaken liwat bentuk cetak, siaran, internet, utawi  lisan marang tiyang sanes. Pawartos saged nambah pamanggih saha seserepan tumrap basa, budaya saha sastra Jawa.

Unsur Pawartos

Unsur fakta ingkang wonten ing palaporan pawarta inggih menika 5W+1H, yaiku

·      What (menapa)

Menapa ingkang sami dipun wartosaken.

·      Who (sinten)

Sinten ingkang kalebu wonten ing pawarta ingkang sami dipun wartosaken.

·      When (kapan)

Kapan kadadosan sami kelakon wonten ing pawarta ingkang dipun wartosaken.

·      Where (wonten pundi)

Wonten pundi papan kadadosan sami enggal kalakonaken.

·      Why (kenging menapa)

Kenging menapa kadadosan saged sami kelakon.

·      How (kados pundi)

Kados pundi kadadosan sami enggal kelakon.

Sifat Pawartos

·    Aktual, yaiku nembe dados trending topic wonten ing tengahing

      masyarakat.

·    Faktual, yaiku pawarta menika laras kalih menapa ingkang

      kadadosan (objektif).

·    Cekak Aos, yaiku pawarta kedah boten bertele-tele.

·    Narik Kawigaten, yaiku pawarta kedah narik kawigatosanipun 

      tiyang sanes.

·    Jangkep, yaiku pawarta kedah wonten jangkep unsur-unsuripun.

Jenis Pawartos

·      Straight News (pawartos langsung)

·      Depth News (pawartos mendalam)

·      Investigation News (pawartos penyidikan)

·      Interpretative News

·      Opine News (pawartos opini)

Bentuk Pawartos

Pawarta saged sami dipun cawesaken liwat pirang-pirang bentuk, kadosta:

·      Bentuk Cetak

Bentuk cetak menika saged awujud majalah/ koran, contonipun majalah djokolodang, majalah panjembar semangat, lan sanesipun.

·      Bentuk Siaran

Bentuk siaran menika sami  kaliyan liwat lisan ananging sami mbutuhaken media kangge nyawisaken pawarta menika. Contonipun berita bahasa jawa TA TV, berita bahasa jawa JOGJA TV, berita bahasa jawa Radio Persatuan, berita bahasa jawa TV Semarang, lan sak panunggalane.

·      Liwat Internet

Bentuk satunggal menika inggih salah sawijining berita basa jawa utawi pawarta basa jawa ingkang dipun cawisaken lewat media internet kanthi awujud website utawa blog. Contonipun situs ingkang nyawisaken berita basa jawa: pawarta bahasa jawa, sesorah jawa, kumpulan cerita bahasa jawa, cerita wayang bahasa jawa, lan sak panunggalane.

·      Bentuk Lisan

Menawi bentuk lisan menika saged dipun cawisaken saking sinten kemawon, ateges warta ingkang dipun cawisaken langsung saking ingkang mangertosi pawarta dhateng tiyang ingkang dipun paringi pawarta. Contonipun anak marang bapak, utawa sewalike.

Perangan Pawartos

·      Irah-irahan (head)

·      Baris tengah (dateline)

·      Teras pawartos (lead)

·      Wos pawartos (body)

Nilai Pawartos

Ing jaman sakmenika gampil kangge kita nampi maneka warna pawarta saking kathah sumber. Nanging wonten saperangan pawarta ingkang boten berbobot utawa ngapusi (HOAX). Perangan ingkang nemtokaken bobot biji utawi nilai saking pawarta menika, yaiku

·      Aktualitas

·      Sesambetan kaliyan papan kedadosan

·      Sesambetan kaliyan unsur ingkang katut ing saklebetipun kedadosan

·      Sesambetan kaliyan pedamelan pamaos/pamiyarsa

·      Jangkepipun pawarta

·      Luar biasa (boten limrah/unik)

Conto Pawarta

·      Regi Lombok Taksih Awis                                        

                  (30 Januari 2017)

Klaten, www.jogjatv.tv  – Regi lombok ing Tlatah  Klaten, Jawa Tengah , ngantos samangke taksih awis. Regi lombok rawit abrit dereng mandhap, kepara  lon-lonan mindhak malih. Miturut para bakul lombok ing Peken Klaten Kota, regi lombok samangke mindhak mbaka sekedhik. Sabotenipun saben dinten reginipun mindhak  pitung ewu rupiyah lan samangke reginipun  dados Rp.105.000,00 saben kilo. Kawontenan kasebat njalari panyadening lombok kirang laris awit para konsumen nyuda anggenipun tumbas lombok.

Sinaosa regi lombok rawit abrit samangke mindhak malih nanging regi lombok  abrit ageng taksih popog,  Rp.40.000,00 saben kilo. Makaten ugi regi lombok rawit ijem, ngantos samangke reginipun popog  Rp.55.000,00 saben klilo. Para bakul mboten saged ndugi regi lombok badhe mindhak utawi mandhap.

( dening Haryadi )

·      Siswa SD Ngimpun Rendana Kangge Korban Lindhu Ing Aceh 

               (13 December 2016)

Gunungkidul, www.jogjatv.tv – Tumempuhing lindhu ageng ing Nangroe Aceh Darussalam dados kawigatosan maneka pehak. Minangka wujud kawigatosan awit tumempuhing musibah alam kasebat siswa  Sekolah Dasar Negeri Kajar  , Wonosari, Gunungkidul dedonga sesarengan lan ngimpun redana bantuwan. Saderengipun kridha pasinaon kawiwitan,  para siswa lan guru dedonga sesarengan dhateng pelataran sekolahan lajeng ngimpun redana saperlu dipun sumbangaken dhateng korban musibah alam.  Miturut salah satunggaling guru, Sumarjo, para siswa dipun ajak dedongan sesarengan  minangka wujud kawigatosan awit tumempuhing  musibah alam ing Aceh sarta kangge nggegulang siswa  supados asih dhateng sasama.

Salah satunggaling siswa, Tegar Ardi Putra mratelakaken tumut prihatos awit tumempuhing lindhu ageng ing Aceh dene  bantuwan ingkang kaimpun badhe dipun sumbangaken lumantar PMI Gunungkidul.

( dening Anjar Ardityo )